Back Die Wespenfrau German The Wasp Woman English The Wasp Woman Spanish The Wasp Woman Basque La Femme guêpe French La donna vespa Italian The Wasp Woman Dutch The Wasp Woman Romanian
|
C'l artìcul chè 'l è scrit in
Miranduléś |
 The Wasp Woman
| ||
| La donna vespa | ||
 La Susan Cabot in na figùra dal film | ||
| La dóna aśióla 1959 | ||
|---|---|---|
| Regìa: Roger Corman • Jack Hill | ||
| Scritōr: Leo Gordon • Kinta Zertuche | ||
| Atōr: Susan Cabot • Anthony Eisley • Michael Mark Barboura Morris • William Roerick • Frank Gerstle | ||
| Müsica: Fred Katz | ||
| Léngua: Ingléś | ||
| Dürä dal film: 73 minüt | ||
| Nasiōṅ: Stat Unî | ||
La donna vespa (La dóna aśióla) 'l è 'n film ad scarésa fantasientìfic in biànc e négar dal 1959 ad Roger Corman.
'L è stâ girâ a Hollywood c'n un budget stimâ 'd sinquànta-mila dòlar 'd in alóra e a 'l inìsi, in dla versiòṅ par la TV, a gh'è 'n pròlug ad Jack Hill fat par ślungàr al brôd.
La pelìcula l'è dvintàda 'd dumìni pùblic in di Stat Unî.
Sunt
Al prufesōr Eric Zinthrop (Michael Mark) 'l è 'n siensiâ ch'al stùdia 'l béghi e 'l vrèspi. Quànd al vîṅ licensiâ da l'aśiénda in du 'l lavóra, ch'la vénd dal mēl, al và a dascórar cun la Janice Starlin (Susan Cabot), pruprietària dna cà ch'la vénd di cuśmètic e dal crèmi 'd belésa par cal dóni.
Al dutōr 'l è drē a strulgàr na sustànsa, a baś di enśìma dla papa reàla di aśióli regìni, ch'la sarév bòna 'd far turnàr indrē c'n i an e 'd far dvintàr la pèla cuma qvéla dna ragasōla.
La Janice l'è dimóndi interesàda a cal prugèt lè anc parchè l'à vdû 'd parsòna i efèt miraculóś su dal bèsti in laburatòri. Inóltar la vrév druàr al prudòt su 'd lē parchè la n è piò na śuvnòta e qvést chè a s véd in dla reclàm ch'la fà in televiśiòṅ dal sò crèmi tant ch'la gint la n créd piò tant ch'i funsiònan dabòṅ. Eric al taca a lauràr par lē anc s'i sò culaburadōr, cuma Bill Lane (Anthony Eisley), i n sarévan minga tant 'd acòrd.
La dóna la taca a far-as dar dal “punturìni” ogni tant, e 'n quàlc risultâ a s véd anc, ma la Janice la vrév che Zinthrop al s daśgagìs ma 'l dutōr al n vōl minga cùrar di risć esénd ch'al sò prudót al n è mai stâ pruvâ su di cristiàṅ e dònca al la tōś dólsa.
Na nòt la Janice la decìd in ségret ad dar-ag dèntar cun cal tratamènt lè e 'l dè dòp la pâr turnàda na ragasōla 'd vint-a-dū an a dita dla sò segretària, la Mary Dennison (Barboura Morris). Ma purtròp, a fòrsa 'd ciapàr di enśìma dal vrèspi, al sò còrp 'l è cambiâ 'd dèntar e 'd nòt la sò ghigna e i sò bras i s trasfórman in qvéli dn'aśióla, insèt ch'al gh'à fam ad carna umàna.
Al dutōr Zinthrop, che fórsi al la prév jutàr, al gh'à 'n incidènt finénd in còma.